Een en die Ander





Een en die Ander – Aaron Nel

Musiekboer kom vanaf die binneland:
Oor vlaktes en berge; visvang by die dam.
Geseend met sy lied – tevrede met sy gebied.
Ongedeerd en min gepla trek die lewe hom na die kus af.

See-man Zayn is gelukkig by die see:
Met geen benul, en wil ook nie weet wat ver van die golwe in die binneland gebeur.
Al sy vriende wil ook presies soos hom wees,
Maar niks kan hom terug hou van die geroep van die see

Kan daar eensgesindheid wees tussen die plaas en die see?
Tussen Engels en Afrikaans – kan die twee saam dans?
Terwyl die musiek aanhou speel word daar ge-‘party’ – gereeld!
Ons leef terwyl die son skyn oor Musiekboer en die See-man..

Vir ‘n hele ruk het ons saam geloop;
In die parkies saamgestaan en goeters gerook.
Maar nou sny See-man ‘n enkele figuur:
Met sy mas in die wind agter sy seiljag se stuur.

Party keer sou die Boer op die strand gaan sit;
Sy kitaar speel terwyl See-man in die golwe surf.
Hy’t sy liedjies geskryf terwyl Zayn op die water dryf:
Een Musiekboer, en die ander See-man Zayn.

See-man Zayn het uiteindelik gegaan:
Ver geseil; reg oor die Oseaan.
Maar iemand moet maar aanhou om die kudde te voer…
Een See-man Zayn, en die ander… Musiekboer.

[ssm_form id=’196’]